زي حتتين بسكوت من اللي بيدوب في البق
متغطين بالكراميل و الشيكولاتة اللذيذة و مقفول عليهم كيس واحد ..
أنا و إنت و بس
كتير من الذكريات بيننا من أيام ما كنا لسه صغيرين
عينينا بتفتح على العالم بنتعلم سوا
بنقرب لبعض قوي في اﻷزمات
بحبك و أنا سانده راسي على كتفك و إنتي بتطبطبي عليا
و بحبك و إنتي عايزاني أدلعك شوية
أنا و إنت و لا حد تالتنا
إحنا أكيد أطعم من الشيكولاتة
و أكيد مش هنفضل بنفس القرب ده طول حياتنا
يإما نشوف حد يتجوزنا إحنا الإتنين
و أهو إحنا أولى من الغريب :D
بس اللحظات اللي عيشناها سوا
و المواقف اللي مرينا بيها و اللي هنفضل نفتكرها و نحكيها ﻷولادنا بعد كده
علشان يعرفوا يعني إيه صداقة بجد
هتخلينا فاكرين إننا كنا وقت طويل قوي أعز أصحاب
أنا و إنت و بس .. يا حلاوتنا
لو تعرفوا قد إيه الدنيا وحشه من غيرها
ReplyDeleteقد إيه زهقانه وملانه
ومش لاقيه حد يفهمنى
لو تعرفوا قد إيه احنا مرتبطين
أكيد هتحسدونا:D
أنا فرحانه عشان الدراسه بكره وهنتقابل تانى
ونبقى سواااا
وعاوزين نستغل السنه دى اوى
دورى بس على حد يتجوزنا سوا
ده احنا حتى هندلعوه
أنا وانت وبس يا حلاوتنا
أنا وانت ولا حد تالتنا